दाङको गढवा गाउँपालिका-३ खैरेनीका मनोज कुमाललाई जग्गा रोक्का हुँदा झन् ठूलो समस्या झेल्नु पर्यो । ज्याला मजदुरी गरेर उनको परिवारले घर खर्च चलाउँथ्यो । गत वर्ष बाबु बुद्धिराम बिरामी परेपछि ऋण काढेर उपचार गरे । तर बाबुलाई बचाउन सकेनन् । त्यसपछि जसोतसो काजकिरीया सकेे ।
लगत्तै आमा मन्जु बिरामी परिन् । आमालाई उपचारका लागि आवश्यक पर्ने पैसा उनीसँग थिएन । आमाको उपचार खर्च जुटाउन पुर्ख्यौली जग्गा बेच्न खोजे तर पाएनन् । प्रदेश सरकारले लगाएको जग्गा रोक्का कारण उनले पनि जग्गा बेच्न सकेनन् । अन्ततः उपचार अभावमा उनले आमा पनि गुमाए ।
