मोटरसाइकलको ‘ब्रेक सु’ भित्र लुकाएर ल्याइएको तस्करीको सुन गाल्ने काम सकिएकाे छ।
नेपाल राष्ट्र बैंकको टक्सार महाशाखामा सरोकारवाला निकाय र सुरक्षा निकायका प्रतिनिधिको रोहबरमा सुन गालिएकाे हाे।
गालिएकाे सुन केहीबेरमा सार्वजनिक गर्ने तयारी भइरहेकाे छ। यसअघि हिजो ब्रेक सुबाट सुन छुट्याउने काम भएको थियो। यसरी छुट्याइएको सुन ६० किलो सात सय ८९ ग्राम तौल रहेको छ।
गालिएकाे सुनको ताैल सार्वजनिक भएपछि त्यसकाे गुणस्तर र आर्थिक परीक्षणको काम थालिने टक्सार महाशाखाकाले जनाएकाे छ। त्यसका लागि केही दिन लाग्नेछ। त्यसपछि मात्रै सुन कति छ र कुन गुणस्तरको हो भनेर पत्ता लाग्नेछ।
