राजधानीमा जारी एनएससी काभा (सेन्ट्रल एसियन भलिबल एशोसिएशन) महिला भलिबल च्यालेन्ज कपमा उज्वेकिस्तानलाई हराउँदै नेपाल तेस्रो भएको छ।
राष्ट्रिय खेलकुद परिषद् (राखेप) को कभर्डहलमा आइतबार भएको खेलमा नेपालले उज्वेकिस्तानलाई ३-१ को सेटमा हराउँदै तेस्रो भएको हो।
पहिलो सेटमा २५-२० गुमाएको नेपालले तीनै सेट आफ्नो पक्षमा पार्न सफल भयो। दोस्रो सेटमा १६-२५ तेस्रो सेटमा १५-२५ र चौथो सेटमा १३-२५ को सेट निकाल्दै उज्वेकिस्तानलाई पराजित गरेको हो।
आज बेलुका ४ बजे उपाधिका लागि भारत र काजकस्तानबीच प्रतिस्पर्धा हुनेछ। दुवै टोली पहिलोपटक च्याम्पियन बन्ने लक्ष्यमा हुनेछ।
