हालै सम्पन्न उपनिर्वाचनको तरङ्ग अहिले पनि कायमै छ । काँग्रेस महामन्त्री गगन थापाले चितवनको उपनिर्वाचनमा भाषण गर्ने क्रममा भगवान्को नाम जोडेर भनेका थिए, बाहिर रुख–रुख भन्दै कुद्ने तर भित्र घण्टीलाई मत हाल्ने हो भने माथि हरिले देख्छन्, हरिले हिसाब किताब गर्छन्।
गगन मात्र हैन, हरेक मूलधारका पार्टीका नेताहरूले यसरी नै वैयक्तिक स्वतन्त्रताको मताधिकारमाथि आफ्ना कार्यकर्तालाई प्रशिक्षणको नाममा धम्कीपूर्ण भाषा बोल्छन् । मानौँ कार्यकर्ता वा जनता उनीहरूका दास हुन् । यी कार्यकर्ता भनेका क्यारम बोर्डका गोटी सरह हुन् भन्ठानेर अनुशासनको डन्डा चलाउँछन् ।
