काठमाडौं : प्राय प्रधानमन्त्रीको राजीनामा माग्दै संसद् र सडक तात्ने गरेकोमा पछिल्लो समय विवादको केन्द्रमा गृहमन्त्री पर्ने गरेका छन्। संसद् होस् या सडक प्रमुख प्रतिपक्षी अनि प्रतिपक्षी दलको तारोमा पर्ने गरेका छन् गृहमन्त्री।
यस अगाडि राष्ट्रिय स्वतन्त्र पार्टीका सभापति रवि लामिछाने गृहमन्त्री हुँदा उनको राजीनामा र उनी विरुद्धको सहकारी ठगीमा संलग्नताको आरोपबारे संसदीय छानबिन समितिको माग राख्दै तत्कालीन प्रमुख प्रतिपक्षी दल नेपाली कांग्रेसले संसद् अवरुद्ध गरिरह्यो।
