प्रधानमन्त्री पुष्पकमल दाहाल प्रचण्डले यति छिटै विश्वासको मत माग्नुपर्ने अवस्था आउला भन्ने आफूले नसोचेकाे बताएका छन्।
सोमबार प्रतिनिधिसभा बैठकमा विश्वासको मत माग्दै उनले नेकपा (एमाले) र राष्ट्रिय प्रजातन्त्र पार्टी सरकारबाट बाहिरिएका कारण विश्वासको मत लिनुपर्ने अवस्था सिर्जना भएको बताए।
‘फेरि विश्वासको मतको लागि यति छिट्टै संसद्सँग अनुरोध गर्नुपर्ने अवस्था आउला भन्ने मैले सोचेकै थिइनँ', उनले भने, 'राजनीतिक स्थिरताको प्रतिबद्धतासहित सरकार गठन गरेका थियौँ। मैले मात्रै नभएर सहयात्री सबै दलहरूले पनि संसदमा स्थायित्वको बाचा गर्नुभएको थियो।’
