तपाईंले आफ्नो वरिपरि कति थरि चरा देख्नु भएको छ? भँगेराको कत्तिको ख्याल गर्नु भएको छ? तपाईंलाई थाहा छ, भँगेरा कति किसिमका हुन्छन्? नेपालमा पहिला चार थरिका भँगेरा पाइन्थ्यो। तर, आज तीन थरिलाई मात्र भँगेरा भनिन्छ, अर्को एउटालाई भिन्न प्रजातिमा वर्गीकरण गरिएको छ। 

हाम्रोमा पाइनेमा घर भँगेरा, रूख भँगेरा र कैलो भँगेरा हुन्। पहिलापहिला ‘पित कण्ठे’लाई पनि भँगेरा वर्गमा राखिएको थियो, अचेल यसलाई ‘चेसनट सोल्डर पेट्रोनिया’ भनिन्छ।