आइसीसी विश्वकप लिग– २ अन्तर्गत नेपालले पपुवा न्युगिनी (पीएनजी)लाई २९८ रनको कीर्तिमानी लक्ष्य दिएको छ।
काठमाडाैँकाे कीर्तिपुरमास्थित त्रिवि क्रिकेट मैदानमा टस हारेर पहिले ब्याटिङ गरेको नेपालले ४९ ओभरमा १ बलमा सम्पूर्ण विकेट गुमाएर २९७ रन बनायो।
नेपालको एकदिवसीय क्रिकेटमा यो हालसम्मको धेरै योगफल हो।
नेपालकाे लागि ओपनर आसिफ शेखले शतकीय इनिङ खेले। उनले ११० बल खेल्दै १० चौला र २ छक्काको सहयोगमा ११० रन बनाए।
त्यस्तै अर्का ओपनर कुशल भुर्तेलले ४५ रन बनाए। त्यसैगरी नेपालका भीम सार्कीले ४४, कप्तान रोहित पौडेलले ३० र आरिफ शेखले १५ रन बनाए।
पीएनजीका लागि सिमो कमाय ५ तथा राईली हेरुकेले ३ विकेट लिए।
