भारतको पश्चिमी राज्य गुजरातमा पर्यटकीय आकर्षणको एउटा केन्द्र बनेको झोलुङ्गे पुल चुँडिदा दर्जनौँको ज्यान गएपछि प्रश्नहरू उठेका छन्।
मोर्बी नगरमा आइतवार बेलुकी भएको उक्त घटनामा १३५ जना मारिएका छन्। जसमध्ये अधिकांश महिला, बालबालिका तथा वृद्धवृद्धा थिए।
१३७ वर्ष पुरानो उक्त झोलुङ्गे पुल पाँच दिन अगाडि मात्र मर्मतपश्चात् खुलेको थियो।
उसोभए कहाँनेर गल्ती भयो?
बीबीसीले उक्त घटनामा बाँच्न सफल भएकाहरू, उद्धारकर्मीहरू, स्थानीय पत्रकारहरू तथा अधिकारीहरूसँग कुरा गरेर सो दुर्घटनाका विविध पक्षबारे जानकारी जुटाएको छ।
