वास्तविक जासुसहरुलाई उनीहरुको योगदानको सम्मानमा बेलायतको राजपरिवारले प्रदान गर्ने ‘कम्पेनियन अफ द अर्डर अफ सेन्ट माइकल एन्ड सेन्ट जर्ज’ अर्थात् सी एम जी अवार्ड चर्चित जेम्स बोन्ड सिनेमाका नायक डेनियल क्रेगलाई प्रदान गरिएको छ।
यो सम्मान प्राप्त गर्ने अभिनेता क्रेग गैरजासुस व्यक्ति हुन्। यो पुरस्कार महारानी एलिजाबेथले आफू जीवित हुँदा नै घोषणा गरेको भएपनि हाल मात्र प्रदान गरिएको हो।
नो टाइम टु डाइ (२०२१), कसिनो रोयल (२००६), स्पेक्टर (२०१५) जस्ता अत्याधिक सफल सिनेमाका नायक क्रेग बेलायतको चेस्टरका स्थायी बासिन्दा हुन्।
