१८ वर्ष भन्दा कम उमेरकी बालिकालाई करणी गरेको अभियोगमा राष्ट्रिय क्रिकेट टोलीका कप्तान सन्दीप लामिछानेविरुद्ध जबरजस्ती करणीको उजुरी परेको छ।
लामिछानेविरुद्ध मंगलबार महानगरीय प्रहरी परिसर, टेकु काठमाडौंमा जाहेरी परेको नेपाल प्रहरीले जनाएको छ।
बालिकाको आज साँझ मेडिकल परीक्षण समेत गराएको छ भने बालिकाको उमेर कति हो भन्ने विषयमा प्रहरी अधिकारीहरुले जानकारी दिएका छैनन्।
लामिछाने हाल नेपाल बाहिर छन्। नेपाली राष्ट्रिय क्रिकेट टोली सहित केन्या पुगेका उनी बुधबार मात्र स्वदेश फर्कने छन्।
