नेपाल विद्यार्थी संघ (नेविसंघ)ले जीर्ण त्रिचन्द्र कलेजको भवनको पुनर्निर्माणको माग राखेर प्रदर्शन गरेको छ।
नेविसंघ त्रिचन्द्र इकाइको अगुवाइमा शुक्रबार विद्यार्थीहरु प्रदर्शनमा उत्रिएका छन्।
उनीहरूले ‘सेभ त्रिचन्द्र, सेभ घण्टाघर, नो इफ बट’, ‘भ्यू टावर चाहिँ बन्ने, त्रिचन्द्र चाहिँ नबन्ने’, ‘प्रधानमन्त्रीले अध्ययन गरेको क्याम्पस कहिले बन्ने’, ‘हामीलाई कक्षा कोठा देऊ,’ लगायतका नारा लेखिएको प्लेकार्डसहित प्रदर्शन गरेका हुन्।
विभिन्न कलेजका सहभागी विद्यार्थीहरुले त्रिचन्द्र कलेजको पुनर्निमाण गर्न माग गर्दै प्लेकार्डसहित र्याली निकालेका हुन्।
त्रिचन्द्र कलेजबाट सुरु गरिएको र्याली रत्नपार्क, जमल, तिनधारा पाठशाला हुँदै पुनः त्रिचन्द्रमै आएर समापन गरिएको थियो।
