नेपाल कम्युनिस्ट पार्टी माओवादी केन्द्रका कर्णाली प्रदेश इन्चार्ज  कालीबहादुर मल्लले देश र जनताको रक्षाका लागि माओवादी केन्द्रले जुम्लाका सबै स्थानीय तहमा निर्वाचन जित्नुपर्ने बताएका छन्।

उनले शनिबार माओवादी केन्द्र जिल्ला समन्वय समिति जुम्लाले आयोजना गरेको  राजनीतिक , वैचारिक, प्रशिक्षण तथा दुई महिने चुनावी अभियानको उद्घाटन कार्यक्रममा यस्तो बताएका हुन्। 

मल्लले  देश, जनता, संविधान र लोकतन्त्रको रक्षाका लागि आफूहरूले निर्वाचनमा विजयी हुनुपर्ने बताए। माओवादीले हारे नेपाली जनता, नेपाल राष्ट्र र माओवादी केन्द्रलाई हानी हुने भएकाले जनताको हक अधिकारको लागि जसरी पनि जित्नुपर्ने उनको तर्क छ।

त्यस्तै माओवादी  केन्द्रका केन्द्रीय सदस्य तथा  कर्णाली प्रदेशका पूर्व मुख्य मन्त्री महेन्द्रबहादुर शाहीले माओवादी अझै खतरामा रहेको बताए। उनले भने, 'तर हार्ने छैनौँ। सबै ठाउँमा जित्ने छौँ।'

त्यस्तै माओवादी  केन्द्रका केन्द्रीय सदस्य तथा पूर्व आन्तरिक मामिला तथा  कानुन मन्त्री नरेश भण्डारीले जनयुद्ध र जनआन्दोलनमा गाँस काटेर पाल्ने जनतामा जोड्ने गरी अबका अभियान थाल्न निर्देशन दिए। उनले भने, 'साथीहरू यो निर्वाचनलाई सानो नठान्नुहोला, हामीले हार्‍यौँ भने संविधान र गणतन्त्र नै हार्नेछ। जनयुद्ध र शान्ति प्रक्रियाले नै हार्ने भएकाले यो निर्वाचन जसरी पनि हामीले जित्नैपर्छ।'

प्रतिनिधिसभा सदस्य गजेन्द्रबहादुर महतले मुलुकमा गणतन्त्र विरोधीहरू अझै सक्रिय रहेको बताए  'माओवादी सर्वहारा वर्गको पार्टी हो। त्यसैले माओवादी केन्द्रको नेतृत्व जनतामुखी हुनुपर्छ।'

माओवादी केन्द्र जिल्ला समन्वय समिति जुम्लाका अध्यक्ष तथा प्रदेश सहसचिव वीरबहादुर कुँवर (सुरेश पहाडीले) सिंहदरबारलाई गाउँ–गाउँमा पुर्‍याउन  माओवादी केन्द्रको उपलब्धि भएको बताए। दिलमाया शाही