बयली खेल्दै, सुसेली हाल्दै छानासम्म पुगेको चिसो बतास एक नयाँ बिहानीको सन्देश बोकेर आयो । आज फागुन १ गते महान जनयुद्ध दिवस भव्यताका साथ मनाइँदैछ ।व्यग्र प्रतिक्षाको एक महत्त्वपूर्ण उत्सव जहाँ आफ्नै भागमा पनि गहन् र विशेष जिम्मेवारी छ । अहो त्यो रोमाञ्चक उत्साह, एक प्रकारको विछट्टै आनन्दानुभूति र भौतिक कठिनाइहरूमाथि जबर्जस्त हावी चितुवा झैं फूर्तिलो जिउ अनि सिंगो मानव जातिका समस्याहरूको समाधान खोज्ने अजय मनोविज्ञान । चिसोले रातभरि खुम्चिएका शरीरका प्रत्येक तन्तुहरू आज तीव्र गतिमा सक्रिय छन् ।