दाङकाे तुलसीपुरमा गाडीको ठक्करबाट एकजनाको मृत्यु भएको छ।
तुलसीपुर–सुर्खेत सडकखण्डकाे दंगीशरण गाउँपालिका–६ मा शुक्रबार एकाबिहानै चारबजेतिर गाडीको ठक्करबाट सोही ठाउँका ३२ वर्षीय सुमन केसीको मृत्यु भएको हो।
सडकछेउमा घाइते अवस्थामा भेटिएका केसीलाई राप्ती प्रादेशिक अस्पताल तुलसीपुरमा ल्याउँदै गर्दा बाटोमा मृत्यु भएको इलाका प्रहरी कार्यालय तुलसीपुरका प्रमुख (डिएसपी) श्यामु अर्यालले जानकारी दिए।
ठक्कर दिने गाडी भने भेटिएको छैन। शबलाई राप्ती प्रादेशिक अस्पतालको शबगृहमा राखिएको छ। घटनापछि मृतकका आफन्तले दोषीको पहिचान र कारबाहीको माग गर्दै तुलसीपुर–हापुरे सडकखण्ड अवरुद्ध पारेका छन्।
ठक्कर दिने गाडीको खोजी भइरहेको डिएसपी अर्याालले बताए।
