हे! सुन त
आज एउटा कुरा भन्नु छ
तिमीलाई मेरो
जुन कुरा मनभित्रै गुम्सिएछ
कैयन रात र कैयन दिनहरु।

सलुट निकोलस र ग्यालिलियो 
तिमीलाई पनि 
तिमीले नै भनेको है पृथ्वी गोलो छ भनि 
आज समयले एक मौका दिँदैछ मलाई
सायद पृथ्वी घुम्दै आएछ भेत्नलाई या भनु भेटाउनलाई धन्य पृथ्वीमाता तिमिलाई पनि।

हे! पर्ख न पर्ख 
तिमीसँग बोल्न मन छ 
मनका कुरा खोल्न मन छ 
यस्तै कुरा मन गुन्दैछ।
आदेश दिँदैछ दिमागलाई 
दिलले।
हिजो, आज, भोलि भन्दै 
बितिसकेछ्न् ६/७ सय दिनहरु।
त्यसैले बोल्न मन छ आज 
भन्नु छ मनका कुरा अनि सुन्नु र सुनाउनु छ तिमिलाई।

हे! सुन त
साच्चै उस्तै छाै तिमी 
जब पहिलो नजर परेथ्यो तिमीमा
चम्किलो अनुहार 
बादलु केस 
बदामी ओठ 
गाजलु आँखाहरु।
सप्पै उस्तै–उस्तै छेउ।
आज नियाल्नु छ तिमीलाई नजिकबाट 
तिम्रो मुटुको धड्कन सुन्ने गरी 
तिम्रो आँखाबाट बगेको खुसीको आँसु 
पुछ्न।
तिम्रो समिप भएर।

हे! सुन त
अनि गर्नु छ कुरा 
मैले देखेको हिजो
तिमीले देखेको भोलि 
र तिमी र मैले देखेको वर्तमान।
सबै सबै को कुरा
आज एक बाट 
जिन्दगीको अन्तिम क्षणलाई 
समेत नियाल्नु छ, आज 
गर्नु छ धेरै कुरा।
हे तिमी पर्खी देऊ एकछिन 
सुनिदेऊ आज मलाई
सुनाऊ तिमी पनि
सिङ्गाे दिन पूरा रात।