पहिले-पहिले च्यातिएको लुगालाई पुरानो भनिन्थ्यो। गरिबले मात्र यस्ता लुगा प्रयोग गर्थे।
अहिले जमानाले पाेल्टाे फेर्याे। यस्ता च्यातिएर धुजा-धुजा भएका लुगाहरू फेसन हुन थाले। यस्ता लुगा खरिद गर्न धनीले मात्र सक्ने भए।
जर्जियाको 'सन्नी साइड' नामक शहरको एउटा किनमेल केन्द्र (मल)मा बेच्न राखिएको 'अमेरिकन इगल' ब्राण्डका यी लुगाहरुको मुल्य सबैभन्दा सस्तो भनेकै ९५ डलर छ।
अमेरिकामै पनि मध्यमवर्गीय मान्छेहरुले खरिद गर्न नसक्ने यी लुगाहरुको माग थामीनसक्नु छ। अर्थात् गोदामबाट ल्याएको केही समयमै सबै लुगा बिक्री भइसक्छ।
अब च्यातिएको र फाटेको लुगा लगाउने मान्छे गरिब होइन धनी हो। यसैलाई भन्छन्- जमानाले पल्टा खाएको।
