पाँच दिनदेखि लगातार परिरहेको वर्षाका कारण डोटीमा पहिरो जाँदा दुई बालबालिकाको मुत्यु भएको छ।
मृत्यु हुनेमा दिपायल सिलगढी नगरपालिका-५ का ७ बर्षीय बालक बिनोद भण्डारी र ११ बर्षीया बालिका जेनिषा विष्ट रहेका छन्।
बिहिवार साँझ दिपायल सिलगढी नगरपालिका-५ को चिसापानी भन्ने ठाउँमा पहिरो जाँदा उनीहरुको मृत्यु भएको जिल्ला प्रहरी कार्यालय डोटीका सूचना अधिकारी डिएसपी ईन्द्रबहादुर मल्लले जानकारी दिए।
बाख्रा चराउन गएका उनीहरु पानी परेपछि ओत लाग्न ओडारमा बसेको बेला माथिबाट पहिरो खस्दा पुरिएका थिए। पहिरोमा फसेको खबर सुनेपछि नेपाल प्रहरीलगायत स्थानीयले उनीहरुको शव फेला पारेको हो।
