अमेरिकी नियामक निकायले औषधि उत्पादन क्षेत्रको जाइन्ट जोन्सन एण्ड जोन्सनको स्वामित्व रहेको बेल्जियमको कम्पनी ज्यानसेनले उत्पादन गरेको कोरोना भाइरसविरुद्धको खोप सुरक्षित र प्रभावकारी देखिएको जनाएको छ। यो खोप एक डोज मात्रै लगाए पुग्ने छ।

अमेरिकी नियामक निकाय युएस फूड एण्ड ड्रग एड्मिनिस्ट्रेसन (एफडिए) ले यो खोपलाई सर्वासाधारणको प्रयोगका लागि स्वीकृती दिन शुक्रबार विज्ञहरु बैठक बस्दैछन्।

यो खोप गएको जनवरीमा परीक्षण गरिएको थियो। खोपको प्रभावकारिता परीक्षणमा ६६ प्रतिशत देखिएको जनाइएको छ।

योसँगै अमेरिकामा कोरोना भाइरसविरुद्धका तीन खोपले स्वीकृति पाउने छन्।

यसअघि फाइजर र मोदेर्नाको खोपले अमेरिकामा स्वीकृति पाएका थिए। अहिले यी खोप सर्वसाधारणलाई लगाउने क्रम जारी छ। तर फाइजर र मोदेर्नाको खोप दुई डोज लगाउनु पर्छ।

फाइजर र मोदेर्नाको भन्दा जोन्सन एण्ड जोन्सनको खोप खर्च र भण्डारणका हिसाबले पनि किफायती देखिएको दाबी गरिएको छ। यो खोप अघिल्ला दुई जस्तो फ्रिजरमा नभइर रेफ्रिजिरेटरमा भण्डारण गर्न मिल्छ।

अमेरिका, दक्षिण कोरिया तथा ब्राजिलमा भएको परीक्षणमा प्रभावकारिता उस्तै देखिएको दाबी गरिएको छ। तर दक्षिण अफ्रिका र ब्राजिलमा देखिएका नयाँ भेरियन्टमा भने यो खोपको प्रभावकारिता अलि कम देखिएको छ।

परीक्षणमा सहभागी भएका कुनै पनि व्यक्तिको निधन भएको नभएको जनाइएको छ।