पत्रकार तथा फिल्मकर्मी टिआर गौडेलको ‘नआउनु हौ भेट्न’ गीतको म्यूजिक भिडियो सार्वजनिक भएको छ।
मुम्बईमा बसेर भिडियो एडिटिङ लगायत केही टेलिशृंखलामा काम गरेका गौडेल हाल जापानमा व्यवसाय गरेर बस्छन्। उनले विभिन्न ‘सर्ट मुभी’ पनि बनाएका छन्। उनको ‘हन्ड्रेड रुपिज’ ले केही अन्तर्राष्ट्रिय उपाधि पनि जितेको थियो।
उनले ल्याएको नयाँ भिडियो गीत युट्युब च्यानलमार्फत सार्वजनिक गरिएको हो। यो गीतमा निशान भट्टराईले स्वर दिएका छन्। टिआर आफैले लेखेको गीतको संगीत बाबुल गिरीले दिएका छन्।
प्रेम सम्बन्धको कारण कुलतमा परेका एक प्रेमीको कथालाई दर्शाइएको भिडियो गीतमा रियाशा दाहाल, प्रथम क्षेत्री र भिम खड्को अभिनय छ। सिलन लम्सालले खिचेको भिडियोको निर्देशन टिआर आफैले गरेका हुन्।
