शेयर बजारमा अल्पकालीन कारोबारी हावी हुँदा साताको अन्तिम दिन नेप्से सूचक २९.८३ अंकले घटेर २०३८.६३ विन्दुमा पुगेको छ ।

पछिल्ला दिनहरुमा बजार केही अस्थिर देखिएको छ । यसरी बढेको बजारमा फेरि एकाएक बिक्रेता हावी भएका हुन् । 
 
दिन २०४ वटा कम्पनीको ९८ लाख ६० हजार कित्ता शेयर ५ अर्ब ३६ करोड रुपैयाँ बराबरको शेयर कारोबार भएको छ। बुधबार ६ अर्बमाथिको शेयर कारोबार भएकोमा बिहीबार कारोबार रकम घटेको छ।

यस दिन कारोबारमा आएका १२ उपसमूहकमध्ये १० वटा उपसमूहको सूचक नकारात्मक देखिएको छ भने होटल र व्यापार उपसमूहको सूचक सकारात्मक देखिएको छ। गत बुधबार उच्च रुपले बढेको जीवन बीमा र बैंकिङ्ग उपसमूहको सूचक बिहीबार क्रमशः ३.०६ प्रतिशत र १.१३ प्रतिशतले घटेको छ।

बिहीबार सोल्टी होटलको शेयरमूल्य सबैभन्दा धेरै ५.६७ प्रतिशतले बढेको छ भने ओरियन्टल होटलको ५.१६ प्रतिशत,माउन्टेन इनर्जीको ४.८३ प्रतिशत, पाँचथर पावरको ४.५२ प्रतिशत, सिद्धार्थ बैंकको ३.४९ प्रतिशत र ग्लोबल आइएमई बैंकको ३.१६ प्रतिशतले बढेको छ।

यता समृद्धि फाइनान्सको शेयरमूल्य सबैभन्दा धेरै ८.११ प्रतिशतले घटेको छ भने युनाइटेड इदि मर्दिको ६.३० प्रतिशत,पञ्चकन्या माई हाइड्रोपावरको ५.५६ प्रतिशत,महिला सहयात्रा माइक्रोफाइनान्सको ५.५१ प्रतिशत र छ्याङदी हाइड्रोपावरको ५.१७ प्रतिशतले घटेको छ।

यस दिन नविल बैंकको सबैभन्दा धेरै ६१ करोड ४९ लाख रुपैयाँ बराबरको शेयर कारोबार भएको छ भने नेपाल लाइफ इन्स्योरेन्सको ५९ करोड, एनआइसी एशिया बैंकको ३२ करोड, प्रभु बैंकको २८ करोड, सिद्धार्थ बैंकको २७ करोड र नेशनल लाइफ इन्स्योरेन्सको २१ करोड रुपैयाँ बराबरको शेयर कारोबार भएको छ।

यस दिन कारोबारमा आएका २८ कम्पनीको शेयरमूल्य बढेको छ भने १३७ वटा कम्पनीको घटेको छ। त्यस्तै ९ वटा कम्पनीको शेयरमूल्य भने स्थिर छ।

व्यापारिक र होटेलबाहेक बाँकी सबै समूहका सूचक तल झरेका छन् । सबैभन्दा धेरै सोल्टी होटेलका लगानीकर्ताले ५.६७% का दरले कमाएका छन् । खरिदबिक्री रकममा नबिल बैंक अग्रस्थानमा छ । 

यसको ६१ करोड ४९ लाख रुपैयाँभन्दा बढीको कारोबार भएको छ । यसैगरी, दोस्रो र तेस्रोमा क्रमशः नेपाल लाइफ इन्सुरेन्स र एनआइसी एसिया बैंक परेका छन् ।