वैदिक सनातन हिन्दूराष्ट्र घोषणाकाे माग गर्दै राजधानीको माइतीघर मण्डलामा प्रदर्शन गरिएको छ।

सनातन संस्कृति समाज नेपालको आयोजनामा बिहीबार र्‍यालीसहित प्रदर्शन भएको हो।

र्‍यालीमा सहभागीहरुले ‘संसारका ॐकार परिवार एक होऔँ’ भन्दै प्रदर्शन गरेका हुन्।  

उनीहरु ॐ लेखिएको झण्डा बोकेर बाजागाजासहित र्‍यालीमा सहभागी भएका थिए।

प्रदर्शनकारीले पृथ्वी नारायण शाहको नेतृत्वमा आर्जन भएको नेपाललाई अखण्ड राख्नुपर्ने माग गरेका थिए।

२० मंसिरमा राष्ट्रिय नागरिक आन्दोलन समितिले माइतीघर मण्डलादेखि नयाँ बानेश्वरसम्म विरोध प्रदर्शन गरेको थियो। 

यहीस्थानमा १५ मंसिरमा ‘राष्ट्रिय शक्ति नेपाल’ ले जुलुस निकालेको थियो।