पाकिस्तानी सेनाको आक्रमणमा परेर भारतीय सेनासँगै बिएसएफका ५ जवान र ६ सर्वसाधारण गरी ११ जनाको मृत्यु भएको छ।
शुक्रबार बिहान बारमुला क्षेत्रमा पाकिस्तानी सेनाले गरेको आक्रमणमा उनीहरुको मृत्यु भएको हो।
जम्मु कश्मिरको पुंछ, केरन र गुरेज क्षेत्रमा पाकिस्तानी सेनाले युद्धविराम भंग गरेको आरोप भारतीय पक्षले लगाएको छ।
घटनामा बिएसएफका सब इन्स्पेक्टर राकेश डोभालको मृत्यु भएको छ।
सो क्षेत्रमा अन्य २ जना जवानको मृत्यु भएको छ।
यस्तै घटनामा अन्य ३ जवान र ८ भारतीय नागरिक गम्भीर घाइते भएका छन्।
उनीहरुको विभिन्न अस्पतालमा उपचार भैरहेको छ।
झडपमा पाकिस्तानी सेनाका ३ कमाण्डरसहित ११ जवानको मृत्यु भएको भारतीय सेनाको दाबी छ। यद्यपि, पाकिस्तानतर्फ कति क्षति भयो भन्ने विवरण आइसकेको छैन।
