माधव बस्नेत
०६५ जेठ १५ । संविधान सभाको पहिलो बैठकले मुलुकलाई औपचारिक रूपमा ‘गणतन्त्र’ घोषणा ग-यो । यस अर्थमा हामीले गणतन्त्रका १२ वर्ष भोग गरिरहेका छौँ । मुलुकमा औपचारिक रूपमा गणतन्त्रको स्थापना भएको घोषणा भइरहँदा सर्वोच्च अदालतको प्रधान न्यायाधीशको कुर्सीमा केदारप्रसाद गिरी थिए । गिरी ०६६ वैशाख २४ गतेसम्म प्रधान न्यायाधीशको कुर्सीमा आसिन भए । त्यस यताको १२ वर्षमा क्रमशः मीनबहादुर रायमाझी, अनुपराज शर्मा, रामप्रसाद श्रेष्ठ, खिलराज रेग्मी, दामोदरप्रसाद शर्मा, रामकुमार प्रसाद साह, कल्याण श्रेष्ठ, सुशीला कार्की, गोपाल पराजुली, ओमप्रसाद मिश्र र हाल चोलेन्द्र शम्शेर जबराले न्यायालयको प्रमुख धर्मकाँटा डोहो¥याएका छन् । एक जना दीपकराज जोशीले संसदीय सुनुवाइ समिति पार गर्न नसकेपछि राजीनामा दिन बाध्य भएका थिए । त्यसैले जोशीको नाम सर्वोच्चको प्रधान न्यायाधीशमा अभिलेखीकरण छैन ।
तर न्याय परिषद् सचिवालयले २०७४ फागुन ३० गते गोपाल पराजुलीलाई साउनमै अवकास पाएको पत्र थमाएपछि जोशीले कामुको जिम्मेवारी सम्हालेका थिए । त्यसबेला पराजुलीले आफू नै प्रधान न्यायाधीश भएको दाबी नगरेका होइनन् । तथापि सर्वोच्च प्रशासनले पराजुलीको नाम प्रधान न्यायाधीशको सूचीबाट हटाएर जोशी कामु प्रधान न्यायाधीश भएको जनायो । यसपछि जोशीले २०७४ चैत १ गतेदेखि भदौ २४ गतेसम्म इजलास तोके । भदौ २५ गतेबाट ओमप्रकाश मिश्रले प्रधान न्यायाधीशको जिम्मेवारी सम्हाले ।
