प्रधानमन्त्री केपी शर्मा ओलीले अमेरिकी राष्ट्रपति डोनाल्ड ट्रम्पको स्वास्थ्य लाभको कामना गरेका छन्।
कोरोना संक्रमण पुष्टि भएपछि शनिबार बिहान अस्पताल भर्ना भएका ट्रम्पलाई ट्वीटरमार्फत ओलीले स्वास्थ्य लाभको कामना गरेका हुन्।
उनले ट्वीटरमा भनेका छन्,‘ म कामना गर्छु कि अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्प चाँडै निको हुनेछन्।’
ट्रम्पलाई २४ घण्टा नपुग्दै आज बिहान अस्पताल भर्ना गरिएको छ।
ह्वाइट हाउसले दिएको जानकारी अनुसार ट्रम्पलाई उपचारका लागि वाल्टर रीड नेशनल मिलिटरी मेडिकल सेन्टर लगिएको छ।
उनले शुक्रबार आफू र प्रथम महिला मिलानिया ट्रम्पको कोभिड–१९ परीक्षण पोजेटिभ आएको बताएका थिए।
ट्रम्पलाई ज्वरो आएको छ। सावधानी स्वरुप ट्रम्पलाई अस्पताल लगिएको ह्वाइट हाउसको भनाई छ।
ह्वाइट हाउसले ट्रम्पले थकान महसुस गरेको भए पनि उनको आत्मबल राम्रो रहेको बताएको छ।
