पछिल्लो २४ घण्टामा काठमाडौं उपत्यकामा ४४५ सहित मुलुकभर १२२८ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घन्टामा गरेको १३४१३ पीसीआर परीक्षणबाट ८३४ पुरूष र ३९४ महिलासहित १२२८ थपिएका हुन्।
सबैभन्दा बढी काठमाडौं उपत्यकामा ४४५ संक्रमित थपिएका हुन्। काठमाडौंमा ३५७ जना, भक्तपुरमा ४२ र ललितपुरमा ४६ जनामा कोरोना भाइरसको संक्रमण देखिएको छ ।
पछिल्लो २४ घन्टामा मुलुभरबाट ९१७ जना डिस्चार्ज भएका छन्। यो सँगै कुल डिस्चार्ज हुनेको संख्या २४२०७ अर्थात ५६ प्रतिशत रहेको मन्त्रालयले जनाएको छ।
अहिले १८४१३ जना विभिन्न संस्थात र होम आइसोलेसनमा बसेर उपचार गराइरहेका छन्। यसमध्ये १०६७१ जना संस्थागत आइसोलेशनमा र ७७४२ जना होम आइसोलेशनमा छन्।
अहिले ६७४९ जना मानिस क्वारेन्टाइनमा बसेका छन्।
पछिल्लो २४ घन्टामा थप ६ जनाको ज्यान गएको छ।
पछिल्लो २४ घन्टामा थप ६ जनाको कोरोना संक्रमणबाट ज्यान गएको छ। जसमध्ये ४ महिला र २ पुरूष छन्।
चितवनकी ४० वर्षिया, भक्तपुरकी ४० वर्षिया, तनहुँकी ४२ वर्षिया र रूपन्देहीकी७७ वर्षिया महिला छन्।
यस्तै सिन्धुपाल्चोकका ७७ वर्षिय र रूपन्देहीका ६५ वर्षिय पुरूषको निधन भएको प्रवक्ता गौतमले जानकारी दिए।
यो सँगै मृत्यु हुनेको कुल संख्या २५७ पुगेको छ। गौतमका अनुसार यो कुल संक्रमितको ०.६ प्रतिशत हो।
.jpg)
