हाम्रा आफ्ना मौलिक संस्कृति छन्, अनि त्यससँग जोडिएका अटल विश्वास पनि छन्। कसैले यो संस्कृतिमा तलमाथि गर्न खोज्यो भने विश्वास गरिन्छ, उसको राम्रो हुन्न, उसको नाश हुन्छ भनिन्छ।
यो प्रसंग किनभन्दा यस्तै एउटा विश्वास र यसले दिएको प्रतिफल नचिताउने गरेर सत्य भएको छ, अनि यो प्रतिफल उत्तिकै दुखद पनि रह्यो। यो सबै घटनाक्रम भने इन्द्रजात्रासँग जोडिन्छ। अनि जोडिन्छ, नेपालमा राणा शासन सुरु गर्ने जंगबहादुरसँग पनि।
सन् १८५० को जनवरी १५ मा जंगबहादुर आफ्ना १५ साथीसहित बेलायत यात्रामा निस्केका थिए। त्यसमध्ये एक साथी दिए, सिद्धीमान राजभण्डारी पनि। उनी समुद्री यात्रा तय गर्दै उता गएका थिए, १ वर्ष २९ दिनपछि काठमाडौं फर्के।
पानी जहाजबाट फर्कने क्रममा उनीहरू नराम्रोसँग आँधीहुरीमा फसे। जंगबहादुरलाई के लाग्यो भने अब बाँचिन्न, यो संकटबाट मुक्त हुन सकिन्न। सिद्धीमान भने डराएनन् र भनेछन्, ‘लाखेले हामी सबैको रक्षा गर्ने छन्।’
