शिशिर यमको सेतो हिउँलाई पन्छ्याउँदै आयौ वसन्त ऋतु तिमी
दुबो, घाँस, पालुवा, हरियाली आदि छर्दै आयौ वसन्त ऋतु तिमी।
चराचुरुङ्गीलाई बसाइँ सार्दै आयौ पहाडदेखि बेसी वसन्त ऋतु तिमी
कोइली गाउँदै अनि मयुरलाई नचाउँदै आयौ वसन्त ऋतु तिमी।
जताततै हरियाली अनि हराभरा नयाँ वर्षसँगै आयौ वसन्त ऋतु तिमी
किसानको ओठमा खुसीका साथ मुस्कान छर्दै आयौ वसन्त ऋतु तिमी।
लाखौँ पुष्प, फलफूल अनि मञ्जरी फुलाउँदै आयौ वसन्त ऋतु तिमी
दुलही झैँ सिँगारिँदै मुस्कुराउँदै ऋतुराज बन्दै आयौ वसन्त ऋतु तिमी।
न जाडो न गर्मी न आँधि न बेरी बोकी आयौ वसन्त ऋतु तिमी
सबै जीवजन्तु प्राणीको प्यारो मन मुटु बन्दै आयौ वसन्त ऋतु तिमी।
मिर्मिरे बिहानीमा उषाका किरण छर्दै आयौ वसन्त ऋतु तिमी
अँधेरीमा जुनकिरी बनी उज्यालो छर्दै आयौ वसन्त ऋतु तिमी।
