श्रीलंकामा जारी एसीसी इमर्जिङ टिम्स एसिया कपमा नेपालले भारत ए लाई १ सय ६८ रनको विजयी लक्ष्य दिएको छ।
कोलोम्बोस्थित आर प्रेमदासा स्टेडियममा टस जितेर पहिले ब्याटिङ गरेको नेपाल ३९ दशमलव २ ओभरमा १ सय ६७ रन बनाएर अलआउट भयो।
नेपालको लागि कप्तान रोहितकुमार पौडेलले अर्धशतकीय इनिङ खेल। उनी ८५ बलमा ६५ रन बनाएर आउट भए।
त्यस्तै ओपनर कुशल भुर्तेल दोस्रो बलमै शून्य रनमा आउट हुँदा अर्का ओपनर आशिफ शेख पनि ७ रन बनाएर आउट भए। भने, देब खनाल १५ र भीम सार्की ४ रन बनाएर आउट भए।
कुशल मल्ल पनि अंकविहीन रहे।
नेपालले १० ओभरमा मात्रै ३७ रन बनाएर ५ विकेट गुमाइसकेको थियो। तर, त्यसपछि क्रिजमा आएका कप्तान पौडेल र सोमपाल कामीले खेल सम्हालेका थिए।
नोपलका सोमपाल १४, गुल्सन झा ३८, पवन श्राफ ६ र ललित राजवंशी ३ रन बनाएर आउट भए।
