सन्तोष न्यौपाने
कोरोना भाइरसको संक्रमण देखिएसँगै नेपालमा पहिलोपटक सेनिटाइजर उद्योगहरु खुल्न थाले। कोरोना संक्रमणअघि नेपालमा सेनिटाइजरको प्रयोग हुने गरेको भए पनि स्वदेशमै उद्योग भने थिएनन्।
कोरोना संक्रमणले बजारमा सेनिटाइजरको माग बढाइरहेको बेला महामारीको यो पाँच महिनाको अवधिमा झन्डै चार दर्जन यस्ता उद्योग दर्ता भइसकेका छन्।
सेनिटाइजरको उत्पादन गर्ने भनेर दर्जनौं उद्योगले अनुमति पाइरहेको र उत्यादन नै सुरु गरेका भए पनि नेपालमा दोस्रो मुलुकबाट हुने यसको आयात रोकिएको छैन्, बरु थप वृद्धि हुँदै गएको छ।
