पानीमा डुबेर दाङमा दुई बालिकाको मृत्यु भएको छ ।

घोराही उपमहानगरपालिका १७ गैरागाउँ निवासी मनोज चौधरीकी १५ महिनाकी छोरीको सोमबार बेलुका खेल्ने क्रममा घर अगाडिको कुलोमा डुबेर मृत्यु भएको हो । 

कुलोमा डुबेर घाइते भएकी बालिकाको उपचारका लागि राप्ती स्वास्थ्य विज्ञान प्रतिष्ठान घोराही लैजाँदै गर्दा बाटोमै मृत्यु भएको प्रहरीले जानाएको छ।

यसैगरी गढवा गाउँपालिका ४ खजरौटा निवासी महोमद रजा मियाँकी एक वर्षीया छोरीको सोमबार बेलुका घर नजिकै खेल्ने क्रममा बाल्टिनमा डुबेर मृत्यु भएको प्रहरीले बताएको छ ।

 डुबेर बिरामी परेकी बालिकाको स्थानीय मेडिकलमा उपचारका क्रममा राति मृत्यु भएको प्रदेश प्रहरी कार्यालय तुलसीपुरका प्रवक्ता प्रहरी वरिष्ठ उपरिक्षक राजकुमार बैदवारले बताए ।