गृहमन्त्री रामबहादुर थापाको स्कटिङमा हिँड्ने गाडीले स्कुटरलाई ठक्कर दिएको छ। 

सिंहदरबार पश्चिम गेट नजिकै स्कटिङको लागि निस्किएको बा १ झ ५५५४ नम्बरको गाडीले बा ९४ प १०२५  स्कुटरलाई ठक्कर दिएको हो। 

घटनाबारे थप अनुसन्धान भइरहेको महानगरीय ट्राफिक प्रहरी महाशाखाका एसपी बामदेव गौतमले जानकारी दिए।

स्कुटरमा सवार दुई महिला घाइते भएकाले उपचारको लागि ट्रमा अस्पताल पुर्यााइएको छ। २३ वर्षीय लिला थापा र २७ वर्षीय सुधा थापा घाइते भएका छन्। 

स्कटिङ्को गाडी गृहमन्त्री थापालाई लिन सिंहदरबारबाट निस्किएको थियो। गाडी र चालकलाई नियन्त्रणमा लिएको महाशाखाका एसपी गौतमले जानकारी दिए।

नियन्त्रणमा लिएका चालकलाई महानगरीय प्रहरी वृत्त सिंहदरबारमा राखिएको छ।