विराटनगर महानगरपालिका १४ मा रहेको रानीमाई पोखरीमा डुबेर एक किशोर बेपत्ता भएका छन्। 

पोखरीमा डुबेर विराटनगर १५ रानीका १६ वर्षीय विशाल चौधरी आइतबार बिहान ९ बजेतिर बेपत्ता भएको इलाका प्रहरी कार्यालय रानीका प्रहरी निरीक्षक दीपक थापाले बताए।

‘विशाल बिहान दुई जना साथीहरुसँग नुहाउन भनेर पोखरीमा गएको भन्ने खुल्नमा आउको छ,’ उनले भने, ‘नुहाउने क्रममा पौडी खेल्न थालेका चौधरी डुबेर बेपत्ता भएको स्थानीवासीले जानकारी दिएका छन्।’

यता नुहाउनसँगै गएका दुवै जना साथीहरुले भने पोखरीको बीचमा पौडी खेल्ने क्रममा डुबेर चौधरी बेपत्ता भएको प्रहरीलाई बताएका छन्। 

उनका अनुसार चौधरीलाई प्रहरी र स्थानीय बासिन्दाले खोजी गरिरहे पनि फेला पार्न सकेका छैनन्।

प्रहरीले पोखरी ठूलो र गहिरो रहेका कारण खोजीमा समस्या भएको जनाएको छ।