कालीकोटमा लगातारको वर्षाका कारण गए राति गएकाे पहिरोमा पुरिएर ६ जनाको मृत्यु भएको छ ।

पहिरोमा घर पुरिँदा महाबै गाँउपालिका-३, नकु गाँउमा वडा सदस्य रजबहादुर विष्टका छोरीहरु १८ वर्षीया सबिना, १५ वर्षकी आशा तथा छोराहरु १३ वर्षका पुष्प र ११ वर्षका प्रवीणको मृत्यु भएको हो। त्यस्तै, उनकै छिमेकी दिलबहादुर विष्टकी १९ वर्षीया छोरी शान्ति र १० वर्षीया रेखाको मृत्यु हो।

गए राति १२ बजेतिर खसेको पहिरोले पुरिंदा एक परिवारका चार बालबालिका र अर्को परिवारका दुई जनाको मृत्यु भएको जिल्ला प्रहरी कार्यालय कालिकोटले जानकारी दिएको छ। तीज मनाउने क्रममा उनीहरु एकै ठाउँमा बास बसेका थिए।

उनीहरु सबैको शव निकालिसकेको प्रहरीले जनाएको छ।