यहाँ सातवटै प्रदेश अछुतै अछुतका हुन,
तर ७७ जिल्ला अछुतका बास पो छन।।
हो ७५३ मा फैलिएका छन यहाँ अछुत,
म मान्छे अछुत भन्ने दानवरुपि हुँ भूत।।
हो त काटे रगत आउँछ, रोए आँसु आउँछ,
तर छुतै छुत बस्ने सुन्दर गाउँ कहाँ पो छ।।
यहाँ कुकुरलाई छुत भन्ने मानवलाई अछुत,
आयो कहाबाट बास गर्याे राक्षसरुपि भूत।।
नेपालभरि अछुतै अछुत भयो ७६४३ मा,
नदी-नाला अछुत भए पानी खान्छौ कहाँ।।
झुप्रा नै अछुत भए मान्छेहरु सबै भए डुम,
दलित मिली हुनु नै पर्ने भो एक लालडुम।।
दलितका भोट थाप्ने बाकस अछुत भएनन्,
दलितका जवानी छोरीहरु अछुत नै रहेनन्।।
दलितको अमूल्य सीप छुतै छुत छ पो यहाँ,
झण्डै ६० लाख दलित छुत भएर बस्ने कहाँ।।
(रुकुम (पश्चिम) घर भएका लेखक हाल स्थायी नि.मा.वि शिक्षककाे रुपमा भाेजपुरमा कार्यरत छन्।)
