महानगरीय प्रहरी वृत्त थिमिमा कार्यरत दुई प्रहरी जवानमा कोरोना संक्रमण पुष्टि भएपछि सेवाग्राहीको आगमन निषेध गरिएकाे छ।
महानगरीय प्रहरी कार्यालय सीआरभी रानीपोखरीमा दरबन्दी भइ सवारी चालकका रुपमा काजमा गत साता थिमि आएका एक जवानमा सोमबार कोरोना संक्रमण पुष्टि भएको छ।
प्रहरी प्रधान कार्यालय नक्सालमा कार्यरत प्रहरीमा कोरोना संक्रमण भएपछि ती प्रहरी जवानको पनि पीसीआर परीक्षण गराइएको वृत्त प्रमुख डीएसपी ऋषिराम कँडेलले बताए।
शुक्रबार प्रहरी वृत्त थिमिकै मुद्दा शाखामा कार्यरत एक प्रहरी जवानमा पनि कोरोना संक्रमण भएको थियो। उनीहरु दुवैको केएमसी अस्पताल दुवाकोटमा उपचार भइरहेको र अवस्था सामान्य भएको डीएसपी कँडेलले बताए।
थिमिमा कार्यरत प्रहरी अधिकारीको पीसीआर परीक्षणका लागि बुधबार स्वाब संकलन गरिने जनाएको छ।
