दाङमा लागुऔषध अफिमसहित चार जनालाई प्रहरीले पक्राउ गरेको छ।

राप्ती गाउँपालिकाकाे भालुवाङस्थित दक्षिणकाली सोल्टी होटेलबाट बिहीबार बेलुकी उनीहरूलाई पक्राउ गरिएकाे हाे।
 
पक्राउ पर्नेमा रोल्पा सुनछहरी गाउँपालिका ५ का ३५ वर्षीय दुजबहादुर रोका, सुनछहरी गाउँपालिका २ का ३२ वर्षीय लालमन घर्ती मगर, सोही ठाउँका ३२ वर्षीय हर्कबहादुर घर्ती मगर र २२ वर्षीय लालसिंह विक रहेका छन्।

उनीहरूको साथबाट ६ किलो ९६७ ग्राम अफिमसहित उनीहरूलाई शनिबार प्रहरीले पत्रकार सम्मेलन गरी सार्वजनिक गरेको हो। 

जिल्ला प्रहरी प्रमुख एसपी गणेश चन्दका अनुसार उनीहरुले प्रयोग गरेको लु १ च ६१७१ नम्वरको सेतो रङको बलेरो जीप, लु ४० प ९८०६ नम्वरको २२० सिसीको पल्सर मोटरसाइकल र विभिन्न कम्पनीका ५ थान मोवाइलसमेत नियन्त्रणमा लिइएको छ।

उनीहरूलाई जिल्ला अदालतबाट लागुऔषध मुद्दामा दश दिनको म्याद थप गरि अनुसन्धान सुरू गरिएको उनले बताए।