कर्णाली प्रदेशमा शुक्रबार सातजनामा कोरोना संक्रमण पुष्टि भएको छ।
सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला, दैलेख अस्पताल प्रयोगशाला र रुकुम पश्चिमको चौरजहारी प्रयोगशालामा गरिएको परीक्षणमा थप सातजनामा संक्रमण पुष्टि भएको हो।
थपिएका संक्रमितमध्ये दैलेखका ५, सल्यान र रुकुम पश्चिमका एक/एक जना रहेको सामाजिक विकास मन्त्रालयका स्वास्थ्य सेवा महाशाखा प्रमुख डा. लक्ष्मीनारायण तिवारीले जानकारी दिए। यससँगै कणार्ली प्रदेशमा कोरोना संक्रमितको संख्या १ हजार ७३३ पुगेको छ।
यता कर्णालीमा शुक्रबार पाँचजना कोरोना संक्रमित डिस्चार्ज भएका छन्। यससँगै कर्णाली प्रदेशमा डिस्चार्ज हुनेको संख्या १ हजार ४९३ पुगेको छ।
अहिले २३४ जना आइसोलेसनमा छन। कर्णालीमा हालसम्म ६ कोरोना संक्रमितको मृत्यु भएको छ।
