कोरोना संक्रमण देखिएसँगै ललितपुरको महालक्ष्मी नगरपालिकाका तीन वटा वडामा पूर्ण लकडाउन गरिएको छ ।
नगरपालिकाले वडा नं. ७, ८ र ९ क्षेत्रभित्र औषधी र खाद्यान्न पसलबाहेक सम्पूर्ण उद्योग व्यवसाय बन्द गर्ने, खाद्यान्न पसल पनि बिहान ९ बजेसम्म मात्रै खोल्न पाइने नियम लागू गरिएको छ ।
नगरपालिकाले मास्क लगाउन र दुई मिटरको भौतिक दुरी अनिवार्य पालनाका लागि समेत सूचित गरेको छ ।
मेयर रोमश्वर श्रेष्ठकाअनुसार वडा नं. ८ मा कोरोना संक्रमितहरुको संख्या वृद्धि भइरहेकाले थप फैलिन नदिन त्यस क्षेत्रमा कडाई गरिएको हो ।
नगरपालिकाले स्वास्थ्य संस्था बाहेकका सबै सरकारी तथा गैरसरकारी कार्यालय, बैंक तथा वित्तीय संस्थाबाट प्रवाह हुने अत्यन्त जरुरी सेवाबाहेक सबै सेवाहरु बन्द गर्ने निर्णय गरेको छ ।
नगरपालिकाको निर्देशनको पालना नगर्नेहरुलाई संक्रामक रोग ऐन, २०२० बमोजिम कारवाही गर्ने समेत नगरपालिकाले जनाएको छ ।