भारतमा एकै दिन कोरोना भाइरसका साढे ११ हजार संक्रमित फेला परेका छन्।
पछिल्लो २४ घण्टामा भारतमा ११ हजार ५०२ नयाँ संक्रमित फेला परेको स्वास्थ्य मन्त्रालयले जनाएको छ। अघिल्लो २४ घण्टामा पनि भारतमा करिब १२ हजार नयाँ संक्रमित फेला परेका थिए।
अहिलेसम्म भारतमा कोरोना भाइरसका संक्रमितको संख्या तीन लाख ३२ हजार ४२४ पुगेको छ। त्यस्तै भारतमा कोरोना भाइरसको कारण मृत्यु हुनेको संख्या ९ हजार ५२० पुगेको छ।
पछिल्लो २४ घण्टामा मात्र भारतमा ३२५ जनाको कोरोना भाइरसको कारण मृत्यु भएको छ।
भारतको सबैभन्दा प्रभावित राज्य महाराष्ट्रमा अहिलेसम्म कोरोनाका एक लाख सात हजार ९५८ संक्रमित फेला परेका छन् भने तीन हजार ९५० जनाको कोरोनाको कारण मृत्यु भइसकेको छ।
त्यस्तै तामिलनाडुमा अहिलेसम्म ४४ हजार ६६१ संक्रमित फेला परेका छन् भने ४३५ जनाको मृत्यु भइसकेको छ। दिल्लीमा ४१ हजार १८२ जना संक्रमित भेटिँदा एक हजार ३२७ जनाको मृत्यु भइसकेको छ। गुजरातमा २३ हजार ५४४ संक्रमित फेला परिसकेका छन् भने एक हजार ४७७ जनाको मृत्यु भइसकेको छ।
त्यस्तै उत्तर प्रदेशमा अहिलेसम्म १३ हजार ६१५ संक्रमित फेला परेका छन् भने ३९९ जनाको मृत्यु भएको छ। पश्चिम बंगालमा ११ हजार ८७ संक्रमित भेटिएका छन् भने ४७५ जनाको मृत्यु भइसकेको छ।
यता बिहारमा ६ हजार ४७० संक्रमित फेला परेका छन् भने ३९ जनाको मृत्यु भइसकेको छ।
अहिलेसम्म भारतमा कोरोनाका एक लाख ६९ हजार ७९८ संक्रमित निको भएर घर फर्किसकेका छन्।
