दैलेखमा थप ८ जना कोरोना भाइरसकाे संक्रमित फेला परेका छन्। प्रदेश अस्पताल सुर्खेत र पशुपंक्षी रोग अन्वेषण प्रयोगशाला सुर्खेतमा गरिएको पीसीआर परीक्षणमा संक्रमण देखिएको हाे।
दैलेखको नारायण नगरपालिका वडा नं १. ३, ४ र ५ का उनीहरुमा बिहीवार संक्रमण पुष्टि भएको प्रदेश स्वास्थ्य सेवा महाशाखा प्रमुख डा. लक्ष्मीनारायण तिवारीले बिएल नेपाली सेवालाई जानकारी दिए।
योसँगै कर्णालीमा संक्रमितको संख्या ४६ पुगेको छ। अहिलेसम्म कर्णालीका सुर्खेत र दैलेखमा मात्रै संक्रमित भेटिएका छन्।
