.jpg)
कोरोना संक्रमित भइ उपचार गराइरहेका थप ९ जना डिस्चार्ज भएका छन्।
वीरगञ्जस्थित नारायणी अस्पतालको आइसोलेशनमा उपचाररत ९ जना शनिबार साँझ डिस्चार्ज भएको अस्पतालका मेडिकल सुपरिटेन्डेन्ट मदन उपाध्यायले जानकारी दिए।
आज डिस्चार्ज हुनेमध्ये बाराका २ जना, रौतहटका ३ जना र पर्साका ३ जना रहेका छन्। यसैगरी एक जना भारतीय नागरिक समेत संक्रमण निको भएर डिस्चार्ज भएका छन्। १९ देखि ५१ वर्षसम्मका उनीहरु सबै पुरुष हुन्।
यससँगै नेपालमा कोरोना संक्रमण निको भइ निको हुनेको संख्या ७९ जना पुगेको छ।
नेपालमा हालसम्म ५८४ जनामा कोरोना संक्रमण पुष्टि भइसकेको छ भने ३ जनाको मृत्यु समेत भएको छ।
