विश्वव्यापी रुपमा फैलिएको कोरोना भाइरसका कारण पाकिस्तानमा संक्रमितको संख्या झण्डै १९ हजार पुगेको छ ।
पाकिस्तानी अधिकारीहरुले आइतबार दिएको जानकारी अनुसार देशभरी कुल १८ हजार ८०९ जना संक्रमित भएका हुन् ।
त्यसैगरी कोरोना भाइरसको संक्रमणका कारण मृत्यु हुनेको संख्या ४३२ पुगेको पनि अधिकारीहरुले जानकारी दिएका छन् ।
पछिल्लो विवरण अनुसार पञ्जाब प्रान्तमा छ हजार ८५४ जना, सिन्धमा सात हजार १०२ जना, केपीमा दुई हजार ९०७ जना र बालुचिस्तानमा एक हजार १७२ जना संक्रमित भएका छन् ।
पछिल्लो २४ घण्टामा १८ जना स्वास्थ्यकर्मी पनि संक्रमित भएका छन् । तीमध्ये १५ जना त चिकित्सक नै रहेका छन् ।
