कोरोना भाइरस संक्रमणका कारण भारतमा जारी लकडाउनका कारण बलिउड सुपरस्टार सलमान खानको पनवेलस्थित फार्म हाउसमा फसेकी अभिनेत्री ज्याकलिन फर्नान्डिसको एउटा चोरी समातिएको छ।
सलमान खानले जिम गरिरहेको अवस्थामा लुकेर फोटो खिच्ने क्रममा उनी समातिएको स्वयम् सलमान खानले बताएका छन्। सलमानले आफ्नो इन्स्टाग्राममा यो विषयको जानकारी दिँदै एउटा सन्देश पोस्ट गरेका छन्, ‘जैकी लुकेर फोटो खिचिरहेको अवस्थामा पक्राउ परेकी छिन्।’
सलमानले पोस्ट गरेको फोटोमा ज्याकलिन जिम गरिरहेका सलमानको फोटो लुकेर खिचिरहेकी छिन्।
यसपछि ज्याकलिनले पनि सलमानले जिम गरेको फोटो पोस्ट गरेकी छिन्। सलमानको यो फोटो निकै भाइरल भइरहेको छ। फोटो पोस्ट गरेको केही घण्टामै १० लाखभन्दा बढी मानिसले लाइक गरेको बताइएको छ।
भारतमा लकडाउनको मिति बढाएर १७ मेसम्म गरिएको छ। यसको अर्थ हुन्छ, ज्याकलिनले अझै दुई साता सलमानकै फार्म हाउसमा बिताउनु पर्नेछ। यो फार्म हाउसमा सलमानसहित उनको परिवारका सदस्य तथा ज्याकलिन लकडाउन सुरु हुनुभन्दा अगाडि आएका थिए। लकडाउनका कारण परिवारका सबै सदस्य थुनिएका छन्।
