विराटनगरमा अलपत्र परेका काठमाडौंका बासिन्दालाई लिएर आउँदै गरेका बसहरु नागढुंगा नाकामा रोकिएका छन् ।
विराटनगर महानगरपालिकाले १६० जनालाई राखेर पठाएका ७ ओटा बस काठमाडौं प्रवेश गर्ने मुख्य नाका नागढुंगामा रोकिएका हुन्।
चन्द्रगिरि नगरपालिकाका मेयर धनश्याम गिरीले लकडाउनको समय भएकाले आवश्यक जानकारी लिनका लागि बसलाई रोकिएको बताए। ‘बसलाई चेकजाँच गरिरहेका छौं । बस कहाँबाट आइरहेको भन्नेबारे बुझ्ने काम भइरहेको छ,’ उनले बिएल नेपाली सेवासँग भने।
उनका अनुसार यसबारे चन्द्रगिरि नगरपालिकासँग कुनै समन्वय भएको छैन। काठमाडौं जान दिने वा उतै फर्काइने निर्णय माथिको आदेश आएपछि हुने उनले बताए।
