कोरोना भाइरस संक्रमण रोकथाम, नियन्त्रण तथा उपचार कोषमा पेट्रोलियम व्यवसायीले १० लाख रुपैयाँ सहयोग गरेका छन्। पेट्रोलियम डिलर्स राष्ट्रिय एसोसिएसनले ५ लाख र पेट्रोलियम ढुवानी व्यवसायी महासंघले ५ लाख गरी कुल १० लाख रुपैयाँको चेक बुधबार हस्तान्तरण गरेका हुन्।
एसोसिएसन अध्यक्ष लिलेन्द्रप्रसाद प्रधान र महासंघ अध्यक्ष खगेश्वर बोहराले उद्योग वाणिज्य तथा आपूर्तिमन्त्री लेखराज भट्टलाई बुधबार सहयोग रकमको चेक हस्तान्तरण गरेका थिए। कार्यक्रममा मन्त्रालयका सचिवद्वय चन्द्र घिमिरे तथा वैकुण्ठ अर्याल र नेपाल आयल निगम लिमिटेडका प्रबन्ध निर्देशक सुरेन्द्रकुमार पौडेलको समेत सहभागिता थियो ।
नेपालमा पछिल्लो समय बढ्दै गएको संक्रमण नियन्त्रणका लागि सरकारले चालेको काममा सहयोग पुग्ने गरी आर्थिक सहयोग गरेको प्रधानले बताए।
