कोरोना भाइरसको संक्रमण अहिलेसम्म १ सय ९२ देशमा फैलिसकेको छ। संसारभर चार लाख २३ हजार मानिसलाई संक्रमण भइसकेको छ भने ज्यान गुमाउनेको संख्या १८ हजार ९ सय हजार नाघेको छ।
कोरोना भाइरस संसारभर फैलिरहदा त्यहाँ रहेका नेपालीको जनजीवनलाई प्रत्यक्ष असर गरेको छ। कतिपय देशमा नेपालीमा कोरोनाको संक्रमण देखिएको छ। लाखौंको संख्यामा नेपाली कामदार कार्यरत खाडी मुलुकहरू तथा मलेसियामा रहेका नेपालीलाई कोरोनाको संक्रमण नगन्य मात्रामा देखिए पनि उनीहरूको दैनिक कामकाजमा भने ठूलो असर परेको छ।
