महेश कार्की
९० सालको भुइँचालोमा दीपबहादुर बस्न्यात ६ वर्षका थिए । भनिन्छ, मानिसले खास किसिमका घटना कहिल्यै बिर्संदैन । उमेर सानो भए पनि घटना ठूलो भएकाले दीपको स्मृतिमा त्यो भुइँचालो उसरी नै रेकर्ड भएको छ, जसरी आज क्यामेरामा भिडियो रेकर्ड हुन्छ।
१९९० माघ २ गते । दिनको १२ बजेतिर भुइँचालो गयो । दीप दोलखाको मकैबारीस्थित घरमा थिए । त्यो घर धेरै ठूलो थियो– २५ हात चौडाइ, ५५ हात लम्बाइ र ३ फिट गारो भएको।
