विश्वभरि फैलिरहेको कोरोना भाइरस अर्थात कोभिड १९ को संक्रमणका कारण स्पेनमा एकजना युवा फुटबल प्रशिक्षकको निधन भएको छ। २१ वर्षे फुटबल प्रशिक्षक फ्रान्सिस्को गार्सियाको आइतबार निधन भएको हो।
उनी मालागामा रहेको एथ्लेटिको पोर्ताडा अल्ताको युवा टिमका प्रशिक्षक थिए । कोरोना भाइरसको संक्रमणको लक्षणसहित उनी अस्पताल गएपछि मात्रै उनमा ‘ल्युकेमिया’ पनि रहेको थाहा भएको थियो।
उनलाई स्वासप्रस्वासमा समस्या भएको थियो । उनी अस्पताल गएपछि कोरोना तथा निमोनियासँगै क्यान्सर पनि रहेको थाहा भएको थियो ।
मालागामा कोरोनाका कारण निधन हुने उनी कम उमेरका पहिलो व्यक्ति हुन् । मालागामा कोरोनाका कारण मृत्यु भएका अरु चारजना ७० वर्ष भन्दा माथिको उमेरका छन् ।
