चलचित्र ‘बागी–३’ प्रदर्शनमा आएको तीन दिन पूरा भएको छ। प्रदर्शनमा आएको तीन दिनमा यस चलचित्रले बक्स अफिसमा राम्रो व्यापार गरेको छ।
यस चलचित्रले तीन दिनमा ६० करोड भारतीय रुपैयाँ कमाएको छ। टाइगर श्रोफको यस चलचित्रमा निकै नै क्रेज देखिएको छ।
बक्स अफिस इन्डियाको वेबसाइटअनुसार यस चलचित्रले ३ दिन नै २० करोडको हाराहारीमा कमाएको छ।
हालसम्म ६३ करोड भारु कमाइसकेको बताइएको छ।
अहमद खानको निर्देशनमा बनेको ‘बाघी–३’ भारतमा ४ हजार ४ सय र ओभरसिजमा १ हजार १ सय गरी विश्वभर ५ हजार ५ सय स्क्रिनमा एक साथ रिलिज भएको छ।
चलचित्रमा चर्चित अभिनेता टाइगर श्रोफ, रितेश देशमुख र नायिका श्रद्धा कपूर रहेका छन्। चलचित्रमा टाइगरको उत्कृष्ट एक्सन अवतार रहेको छ। चलचित्रले बक्स अफिसमा राम्रो व्यापार गर्नसक्ने बिश्लेषकहरुले बताएका छन्।
चलचित्रमा रितेश देशमुख र टाइगरलाई दाजुभाइको रुपमा प्रस्तुत गरिएको छ। कथा त्यसैको वरिपरी रहेको छ। चलिचित्रको निर्माण साजिद नाडियाडवालाले गरेका हुन्।
